2015 წლის 19 მარტს საქართველოს რკინიგზასა და შ.პ.ს. „ელიტა ბურჯს“ შორის დაიდო ხელშეკრულება, ჩაქვი-ქობულეთის გადასარბენზე არსებული ძველი სარკინიგზო ხიდის ახლით შეცვლასთან დაკავშირებით.

კომპანიამ აღნიშნული სამუშაო დათქმულ დროზე ადრე დაასრულა. 2015 წლის 18 ოქტომბერს იგეგმება სარკინიგზო ხიდის დამონტაჟება, აქვე უნდა აღინიშნოს ისიც, რომ საქართველოს მასშტაბით აღნიშნული სამუშაოები უპრეცედენტოა. დღემდე საქართველოში დამონტაჟებული ყველა სარკინიგზო მასალის იმპორტირება ხდებოდა რუსეთიდან, დღეს კი აღსანიშნავია ის ფაქტი, რომ კომპანია „ელიტა ბურჯი“ აღნიშნული პროდუქტის პირველი და ერთადერთი მწარმოებელია. აღნიშნულ პროექტზე კი დასაქმებულთა რაოდენობა 100 ადამიანს აღემატება.