უმსხვილესი კონგლომერატი „ჰუალინგ ჯგუფი“ წარმოადგენს ჩინურ კერძო კორპორაციას. იგი დაარსდა 1988 წელს ჩინეთში სინძიანის რეგიონის ქალაქ ურუმჩიში. ჯგუფმა 2007 წლიდან საქართველოში დაიწყო და დღემდე აგრძელებს საინვესტიციო პროექტების განხორციელებას. ამ ეტაპისათვის „ჰუალინგ ჯგუფის“ საინვესტიციო კაპიტალი 550 მილიონ აშშ დოლარს აღემატება და საქართველოში ერთ-ერთ წამყვან უცხოურ საინვესტიციო კომპანიას წარმოადგენს. 2017 წლის ბოლოს „ჰუალინგ ჯგუფმა“ საქართველოში საფინანსო სექტორში ინვესტიცია გააფართოვა და ბაზისბანკის ჰოლდინგს შეემატა ახალი შვილობილი კომპანიები–„ჰუალინგ დაზღვევა“ და სალიზინგო კომპანია „ბი ეიჩ ელ ლიზინგი“. ჰოლდინგური განვითარება ბანკს საშუალებას აძლევს მომხმარებელს შესთავაზოს ფინანსური მომსახურების სრული სპექტრი.